யோனி எரிச்சல் என்றால் என்ன | What is Vaginal irritation in Tamil

English हिन्दी Tamil

யோனியில் இருந்து திரவ வெளியேற்றம் அல்லது யோனியில் லேசான அரிப்பு போன்ற சிக்கல்கள் ஏற்படுவது பெண்கள் மத்தியில் மிகவும் பொதுவானதாகும். அவ்வப்போது இவ்வாறு அரிப்பு ஏற்படுவது மிகப்பெரிய பிரச்சினை அல்ல, எனினும் யோனியில் அரிப்பு மற்றும் யோனியில் எரிச்சல் உணர்வு ஆகியவை தொடர்ந்து ஏற்பட்டால் ஏதேனும் கடுமையான பிரச்சினைகளுக்கு வழிவகுக்கக்கூடும். மேலும், இந்த அறிகுறிகள் குறுகிய காலத்தில் திடீரென அல்லது மெதுவாக அதிகரிக்கிறது. இது தவிர, உடலுறவு மற்றும் சிறுநீர் கழித்தல் ஆகிய செயல்களும் யோனியில் எரிச்சல் உணர்வு மற்றும் யோனி அரிப்பை ஏற்படுத்தக்கூடும். யோனி வழி ரீதியாக பெண்களுக்கு பல பிரச்சினைகள் எழுவதால், யோனியை சுத்தமாக வைத்திருப்பது மிகவும் அவசியமாகும். மேலும், இதுபோன்ற பிரச்சினைகளை குறித்து ஆலோசிப்பதை பெரும்பான்மையான பெண்கள் விரும்புவதில்லை. எனவே, இந்த கட்டுரையில் யோனியில் அரிப்பு மற்றும் யோனி எரிச்சல் என்றால் என்ன, என்பது குறித்து விளக்குகிறோம். 

• யோனி எரிச்சல் ஏற்படுவதற்கான காரணங்கள்  மற்றும் சிகிச்சைகள் யாவை? (What are the treatments and causes of vaginal irritation in Tamil?) 
• யோனி எரிச்சலுக்கு சிகிச்சையளிக்க உதவும் வீட்டு வைத்தியங்கள் யாவை? (What are the home remedies to treat vaginal irritation in Tamil?) 
• யோனி எரிச்சல் சிக்கலில் மருத்துவரை எப்போது தொடர்பு கொள்ள வேண்டும்? (When to contact a doctor in the case of vaginal irritation in Tamil?) 
• யோனி எரிச்சல் ஏற்படுத்தும் சாத்தியமான சிக்கல்கள் யாவை? (What are the possible complications of vaginal irritation in Tamil?) 

யோனி எரிச்சல் ஏற்படுவதற்கான காரணங்கள்  மற்றும் சிகிச்சைகள் யாவை? (What are the treatments and causes of vaginal irritation in Tamil?) 

யோனி எரிச்சல் பல்வேறு வகையான காரணிகளால் ஏற்படுகிறது. அவற்றுள் யோனி எரிச்சல் ஏற்படுவதற்கான சில முக்கிய காரணங்கள் கீழே பட்டியலிடப்பட்டுள்ளன, அவை:

ஈஸ்ட் தொற்று காரணமாக (Cause of yeast infection): பெரும்பான்மையான பெண்கள் யோனி வழி ஈஸ்ட் தொற்றுநோயால் பாதிக்கப்படுகிறார்கள், என ஓர் ஆராய்ச்சி கூறுகின்றது. ஈஸ்டின் எண்ணிக்கை யோனியில் அதிகமாக இருக்கும்போது இது நிகழ்கிறது. இது யோனியில் எரிச்சல் உணர்வு மற்றும் யோனி அரிப்புக்கு வழிவகுக்கிறது. இந்த தொற்று ஏற்படுவதன் விளைவாக, பின்வரும் அறிகுறிகளைக் காண இயலும்:

• யோனி சிவத்தல்
• யோனியில் இருந்து அடர் வெள்ளை திரவ வெளியேற்றம்
• யோனியில் அரிப்பு மற்றும் வீக்கம் 

சிகிச்சை (Treatment): பெரும்பாலான சந்தர்ப்பங்களில், யோனியில் உண்டாகும் நோய்த்தொற்றுக்கு சில வீட்டு வைத்தியங்கள் அல்லது ஆன்ட்டி ஃப்பன்ங்கள் மருந்துகளைப் பயன்படுத்துவதன் மூலம் சிகிச்சையளிக்க முடிகிறது. இந்த மருந்துகள் ஜெல் கிரீம்கள் மற்றும் களிம்பு வடிவத்தில் மருந்து  கடைகளில் எளிதாகக் கிடைக்கிறது. மேலும், முதல் முறையாக யோனியில் ஈஸ்ட் தொற்றை நீங்கள் எதிர்கொள்கிறீர்கள் எனில், ஒரு பொது மருத்துவரைத் தொடர்பு கொள்ளுங்கள்.

பாக்டீரியல் வஜினோசிஸ் காரணமாக (Causes of bacterial vaginosis): இந்த வகை பாக்டீரியா தொற்று 15 முதல் 40 வயதுக்குட்பட்ட பெண்கள் மத்தியில் மிகவும் பொதுவானதாகும். இது யோனியில் தொற்றுநோயை ஏற்படுத்தி யோனி எரிச்சலை உண்டாக்குகிறது. மேலும், இது பின்வரும் சிக்கல்களுக்கு வழிவகுக்கிறது: 

• யோனியின் வெளிப்புற மேற்பரப்பில் அரிப்பு
• மெல்லிய வெள்ளை திரவ வெளியேற்றம்
• உடலுறவுக்குப் பிறகு யோனியில் மீன் போன்ற வாடை

சிகிச்சை (Treatment): பாக்டீரியல் வஜினோசிஸ் தொற்றுக்கு எந்தவித சிகிச்சையும் தேவையில்லை, ஏனெனில் இது தானாகவே குணமடைகிறது. பெரும்பாலான சமயங்களில், இதற்கு சிகிச்சையளிக்க மருத்துவர்கள் ஆண்டிபயாடிக் சப்ளிமெண்ட்ஸ்களை பரிந்துரைக்கின்றனர். 

யோனியில் ஏதேனும் தொடர்புக்குப் பிறகு எரிச்சல் உணர்வு (Burning sensation in the vagina after contact): பெரும்பாலும் ஆணுறைகள், சானிட்டரி பேட்கள், கிரீம்கள், ஸ்ப்ரேக்கள், டம்பான்கள் போன்ற பிறப்புறுப்புடன் தொடர்புடைய பொருட்கள் யோனியில் எரிச்சல் உணர்வை ஏற்படுத்துகின்றன. மேலும், இவை பிறப்புறுப்பு பிரச்சினைகளை அதிகரிக்கிறது.

சிகிச்சை (Treatment): இந்த சிக்கலைத் தவிர்ப்பதற்கான எளிய வழி எரிச்சலை ஏற்படுத்தும் பொருட்களை கண்டறிந்து அவை யோனியுடன் தொடர்பு கொள்வதைத் தடுப்பதே ஆகும். இவ்வாறு செய்வதன் மூலம், எரிச்சல் தானாகவே குணமடைகிறது. உதாரணமாக, ஆணுறை பயன்பாடு யோனி எரிச்சலை ஏற்படுத்தினால், உடனடியாக அதன் பயன்பாட்டை நிறுத்தி, சிசிகிச்சை பெற ஒரு மருத்துவரை அணுகவும். மேலும், ஸென்ஸிடிவ் தோல் உள்ள சிலருக்கு தோல் உணர்திறன் காரணமாக இந்த சிக்கல் எழுகின்றது. எரிச்சலைத் தவிர்க்க இதுபோன்ற சந்தர்ப்பங்களில் உயவிடல் (lubrication) தேவைப்படுகிறது. (மேலும் படிக்க- ஆணுறை பயன்பாட்டின் நன்மைகள்) 

சிறுநீர் பாதை நோய்த்தொற்று காரணமாக ஏற்படும் எரிச்சல் (Irritation due to Urinary tract infection): சிறுநீர்ப்பையில் ஏற்படும் பாக்டீரியல் தொற்றுகளால் சிறுநீர் பாதை நோய்த்தொற்றுகள் ஏற்படுகின்றன. இதன் விளைவாக சிறுநீர் கழிக்கும் போது எரிச்சல் உணர்வு மற்றும் வலி ஏற்படுகின்றது. மேலும், இவை பின்வரும் அறிகுறிகளை ஏற்படுத்துகின்றன: 

• சிறுநீரின் வாசனை அதிகரிக்கிறது 
• சிறுநீர் கழிக்கும் போது வலி
• காய்ச்சல் மற்றும் சளி
• சிறுநீர் கழிக்கும் போது இரத்தப்போக்கு (மேலும் படிக்க- சிறுநீரில் இரத்தம் வெளியேறுவதற்கான காரணங்கள்)
• முதுகு மற்றும் இடுப்பில் வலி 

சிகிச்சை (Treatment): சிறுநீர் பாதை நோய்த்தொற்று உண்டாகும் அபாயத்தை நீங்கள் சந்திக்கிறீர்கள் எனில், மருத்துவரை அணுகவும். இதற்கு சிகிச்சையளிக்க மருத்துவர்கள் சில நுண்ணுயிர் எதிர்ப்பிகளை பரிந்துரைக்கின்றனர். பரிந்துரைக்கப்பட்ட அளவில் மருந்துகளை எடுத்துக் கொள்ளவில்லை எனில், தொற்று மீண்டும் எழக்கூடும். (மேலும் படிக்க- சிறுநீர் கழிக்கும் போது உண்டாகும் எரிச்சல் உணர்வு)

யோனி எரிச்சலுக்கு சிகிச்சையளிக்க உதவும் வீட்டு வைத்தியங்கள் யாவை? (What are the home remedies for vaginal irritation in Tamil?) 

பல வகையான காரணிகள் யோனி எரிச்சலை ஏற்படுத்துகின்றன. பெரும்பாலான சந்தர்ப்பங்களில், இதற்கு எந்தவித சிகிச்சையும் தேவைப்படுவதில்லை. இருப்பினும், சிக்கல் கடுமையானதாக இருந்தால் மருத்துவ சிகிச்சை அவசியமாகிறது. இந்த சிக்கல் குறித்து ஏதேனும் தயக்கம் அல்லது குழப்பம் ஏற்பட்டால் மருத்துவரை அணுகவும். பாதிக்கப்பட்ட பகுதியில் ஐஸ் கட்டியைப் பயன்படுத்துவது, போன்ற வீட்டு வைத்தியங்கள் எரிச்சலைக் குறைக்க உதவுகிறது. இது தவிர, சருமத்தில் பெட்ரோலியம் ஜெலைப் பயன்படுத்துவதன் மூலம் தோலை பாதுகாக்க இயலும். 

யோனி எரிச்சல் சிக்கலில் மருத்துவரை எப்போது தொடர்பு கொள்ள வேண்டும்? (When to contact a doctor in the case of vaginal irritation in Tamil?) 

• யோனி எரிச்சல் பிரச்சினை நாளடைவில் குணமாகிவிட்டால், எந்தவித சிகிச்சையும் தேவைப்படுவதில்லை. எனினும், யோனி எரிச்சல் பிரச்சினை அதிகரித்தால், உடனடியாக ஒரு மருத்துவரை தொடர்பு கொள்ள வேண்டும்.
• பெரும்பாலான சந்தர்ப்பங்களில், மருத்துவர்கள் இதற்கு சிகிச்சையளிக்க சில மருந்துகளை பரிந்துரைக்கின்றனர். மேலும், இந்த பிரச்சனையை எதிர்கொள்ளும் பெண்கள், ஏதேனும் நோய்தொற்று ஏற்பட்டுள்ளதா என்பதைக் கண்டறிய, மருத்துவரை அணுக வேண்டும். அதோடு ஒரு பெண்ணின் பாலியல் பங்குதாரருக்கு பாலியல் தொடர்பான நோய்கள் (STD) இருப்பது கண்டறியப்பட்டால், அந்த பெண் உடனடியாக ஒரு மருத்துவரை அணுக வேண்டும்.

யோனி எரிச்சல் ஏற்படுத்தும் சாத்தியமான சிக்கல்கள் யாவை? (What are the possible complications of vaginal irritation in Tamil?) 

யோனி எரிச்சல் ஏற்படுவதற்கான முக்கிய காரணங்கள் பி.வி மற்றும் எஸ்.டி.டி ஆகும், இதற்கான சிகிச்சையளிக்கப்படாவிட்டால் இது கடுமையான பிரச்சினைகளுக்கு வழிவகுக்கிறது. கர்ப்பிணிப் பெண்களுக்கு உண்டாகும் எஸ்.டி.டி கள் மிகவும் ஆபத்தானதாகும், ஏனெனில் இது தாய் மற்றும் குழந்தை என இருவரின் உடலிலும் மோசமான விளைவுகளை ஏற்படுத்தக்கூடும். கிளமிடியா, பிறப்புறுப்பு ஹெர்பெஸ் மற்றும் ட்ரைகோமோனியாசிஸ் ஆகியவை குறைப்பிரசவத்துடன் தொடர்புடை நோய்கள். பி.வி., கிளமிடியா, கோனோரியா மற்றும் ட்ரைகோமோனியாசிஸ் ஆகியவை பாதிக்கப்பட்ட நபருடன் பாலியல் தொடர்பு கொள்வதன் மூலம் பரவும் பாலியல் தொடர்பான நோய்களாகும்.

நீங்கள் யோனி எரிச்சல் மற்றும் யோனி அரிப்பு போன்ற மோடியுடன் தொடர்புடைய பிரச்சினைகளை சந்திக்கிறீர்கள் எனில், உடனடியாக ஒரு மகளிர் மருத்துவ நிபுணரை (Gynecologist) தொடர்பு கொள்ளுங்கள். 

இந்தக் கட்டுரையின் மூலம் உங்களுக்கு தகவல்களை வழங்குவது மட்டுமே எங்கள் நோக்கமாகும். எந்தவொரு மருந்தையும், சிகிச்சையையும், அறுவை சிகிச்சையையும்  நாங்கள் பரிந்துரைக்கவில்லை. ஒரு மருத்துவர் மட்டுமே உங்களுக்கு நல்ல ஆலோசனையை வழங்க முடியும். ஏனெனில், அவர்களை விட வேறு யாரும் சிறந்தவர்கள் அல்ல.

---

மும்பையில் சிறந்த மகப்பேறு மருத்துவர்கள்

பெங்களூரில் சிறந்த மகப்பேறு மருத்துவர்கள்

சென்னையில் சிறந்த மகப்பேறு மருத்துவர்கள்

டெல்லியில் சிறந்த மகப்பேறு மருத்துவர்கள்