கிரானியோட்டமி என்றால் என்ன | What is craniotomy in Tamil
டிசம்பர் 17, 2020 Bone Health 1828 Viewsகிரானியோட்டமியின் பொருள் (Craniotomy meaning in Tamil):
கிரானியோட்டமி என்பது மனித மூளையில் செய்யப்படும் ஒரு வகை மூளை அறுவை சிகிச்சயாகும், கிரானியோட்டமி அறுவை சிகிச்சையின் போது நோயாளியின் மண்டை ஓட்டிலுள்ள சில எலும்புகள் அகற்றப்படுகின்றன. எலும்பின் ஒரு பகுதியான எலும்பு மடல் (bone flap), கிரானியோட்டமி அறுவை சிகிச்சையின் போது சில சிறப்பு சாதனங்களைப் பயன்படுத்தி நிபுணர்களால் அகற்றுப்படுகின்றது. மேலும், இது தற்காலிகமாகவே அகற்றப்படுகிறது, ஏனெனில் மூளை அறுவை சிகிச்சைக்குப் பின்னர் எழுப்பு மடல் மாற்றப்படுகிறது. பார்கின்சன் நோய் போன்ற மூளை தொடர்பான சிக்கல்களை ஏற்படுத்தும் பல நோய்களுக்கு சிகிச்சையளிக்க கிரானியோட்டமி அறுவை சிகிச்சை செய்யப்படுகிறது. இன்றையக் கட்டுரையில் கிரானியோட்டமி என்றால் என்ன, என்பது குறித்து சில விரிவான தகவல்களைக் காண்போம்.
- கிரானியோட்டமி ஏன் செய்யப்படுகிறது? (Why craniotomy is performed in Tamil?)
- கிரானியோட்டமி எவ்வாறு செய்யப்படுகிறது? (How is craniotomy done in Tamil?)
- கிரானியோட்டமிக்குப் பிறகு உடலை எவ்வாறு கவனித்துக்கொள்வது? (How to take care of your body after craniotomy in Tamil?)
- கிரானியோட்டமி அறுவை சிகிச்சையின் சிக்கல்கள் என்ன? (What are the complications of craniotomy in Tamil?)
- இந்தியாவில் கிரானியோட்டமி அறுவை சிகிச்சை மேற்கொள்வதற்கான செலவுகள் எவ்வளவு? (What is the cost of craniotomy in India in Tamil?)
கிரானியோட்டமி ஏன் செய்யப்படுகிறது? (Why craniotomy is performed in Tamil?)
கிரானியோட்டமி அறுவை சிகிச்சைப் பின்வரும் சில காரணங்களின் அடிப்படையில் செய்யப்படுகிறது. மூளைத் தொடர்பான சிக்கல்களுக்கு சிகிச்சை அளிக்கவும், பார்கின்சன் நோயாளிகளுக்கு சிகிச்சையளிக்க வேண்டியும் கிரானியோட்டமி அறுவை சிகிச்சை செய்யப்படுகிறது. இது தவிர, ஒரு நபருக்கு மூளைக் கட்டிகள் (brain tumors), மண்டை ஓட்டில் எலும்பு முறிவு, மூளை நரம்புகளில் இரத்த அடைப்பு, மூளையின் ஏதாவது ஒரு பகுதியில் காயம், போன்ற எந்தவொரு மூளை தொடர்பான சிக்கல்கள் ஏற்படும் போதும் கிரானியோட்டமி அறுவை சிகிச்சைச் செய்ய மருத்துவர்கள் அறிவுறுத்துகின்றனர்.
கிரானியோட்டமி எவ்வாறு செய்யப்படுகிறது? (How is craniotomy done in Tamil?)
- கிரானியோட்டமி அறுவை சிகிச்சைச் செய்வதற்கு முன், மருத்துவர்கள் நோயாளிக்கு சி.டி ஸ்கேன், எம்.ஆர்.ஐ ஸ்கேன் உள்ளிட்ட சில பரிசோதனைகளை செய்கிறார்கள். இந்நப் பரிசோதனைகளின் முடிவுகளை அறிந்த பின்னரே கிரானியோட்டமி அறுவை சிகிச்சை மேற்கொள்ளப்படுகின்றது.
- அறுவை சிகிச்சையைத் தொடங்குவதற்கு முன்பு நோயாளிக்கு பொது மயக்க மருந்து (anesthesia) கொடுக்கப்படுகிறது. மண்டை ஓட்டின் மேல் பொறுத்தப்பட்டுள்ள அமைப்புகளின் (frames) உதவியைப் பயன்படுத்தி கிரானியோட்டமி அறுவை சிகிச்சைச் செய்யப்படுகிறது.
- கணினிகளின் மூலம் பெறப்பட்ட மூளையின் ஸ்கேன் படங்களை கொண்டும், மண்டை ஓட்டின் மேல்புறத்தில் பொறுத்தப்பட்டுள்ள அமைப்புகளால் உருவாக்கப்பட்ட மூளையின் 3-டி படங்களின் உதவியுடனும், மூளையின் ஓர் குறிப்பிட்ட பகுதியை அல்லது திசுக்களை தெளிவாக காண முடிகிறது. மேலும், இந்த படங்கள் ஆரோக்கியமான மற்றும் பாதிக்கப்பட்ட திசுக்களை வேறுபடுத்திக் காட்டுகிறது.
கிரானியோட்டமிக்குப் பிறகு உடலை எவ்வாறு கவனித்துக்கொள்வது? (How to take care of your body after craniotomy in Tamil?)
- அறுவைசிகிச்சைக்கு பின்னர் மருத்துவர்கள் நோயாளியை தீவிர சிகிச்சை பிரிவில் வைத்து கவனமாக கண்காணிக்கின்றனர்.
- நோயாளியின் உடல் குணமடைய தொடங்கிய பின்னரே அவரை சாதாரண வார்டுக்கு மாற்றுகின்றனர்.
- பொது சிகிச்சை பிரிவில் மருத்துவர்கள் மற்றும் செவிலியர்கள் நோயாளிகளுக்கு உண்டாகும் பிற அசாதாரணமான அறிகுறிகள் போன்றவற்றையும் அல்லது அவர்கள் ஏதேனும் அசௌகரியத்தை உணர்கின்றனரா என்பதையும் தவறாமல் கண்காணிக்கின்றனர்.
- மேலும், செவிலியர்கள் நோயாளியின் நரம்பு மண்டலத்தை அடிக்கடி சோதிக்கின்றனர்.
- நோயாளிகள் அறுவை சிகிச்சைக்கு பின்னர் ஓய்வின் காரணமாக அதிக நேரம் படுக்கையில் இருப்பதினால், நோயாளிகளின் சிறுநீரை ஒரு பையில் சேகரிக்க வடிகுழாய் படுக்கைக்கு அடியில் வைக்கப்படுகிறது. நோயாளி விரைவில் குணமடைய வேண்டி சில சுவாச பயிற்சிகள் அவர்களுக்கு கற்பிக்கப்படுகின்றன.
- நோயாளிக்கு இரத்த உறைவு ஏற்படுவதைத் தடுப்பதிற்காக, கால் மற்றும் கணுக்கால் பயிற்சிகளை மேற்கொள்ளுமாறு மருத்துவர்கள் அறிவுறுத்துகின்றனர்.
- அறுவைசிகிச்சை முடிந்து ஒரு வாரத்திற்குப் பின்னர் நோயாளியின் கட்டுக்கள் அவிழ்க்கப்படுகிறது.
- அறுவை சிகிச்சைக்குப் பின்னர் நோயாளி வீட்டிற்குச் செல்லும்போது சில முன்னெச்சரிக்கை நடவடிக்கைகளை பின்பற்றுமாறு மருத்துவர்கள் பரிந்துரைக்கின்றனர். அவை :
- அறுவை சிகிச்சைக் கீறல் உள்ளத் தளத்தில் எந்தவொரு முடி வளர்ச்சிக்கானத் தயாரிப்புகளையும் பயன்படுத்த வேண்டாம்.
- மூளையில் வலி உண்டாக்கும் அல்லது தலையில் காயத்தை ஏற்படக்கூடிய எந்த வேலையும் செய்ய வேண்டாம். துணி துவைத்தல், வீட்டைச் சுத்தம் செய்தல், அதிக எடையைத் தூக்குதல் போன்ற செயல்களை செய்வதைத் தவிர்க்கவும்.
- உணவில் அதிக அளவில் திரவங்களையும், நீராகாரங்களையும் உட்கொள்ள வேண்டும். மேலும், மலச்சிக்கலைத் தடுக்க நார்ச்சத்து நிறைந்த உணவுப் பொருட்களை உண்ணுங்கள்.
கிரானியோட்டமி அறுவை சிகிச்சையின் சிக்கல்கள் என்ன? (What are the complications of craniotomy in Tamil?)
கிரானியோட்டமி அறுவை சிகிச்சையிக்கு பின்னர், பின்வரும் சில அபாயங்கள் ஏற்படும் வாய்ப்புகள் உள்ளன, அவை :
- உடலில் அழற்சி உண்டாகும்.
- சைனஸ் அபாயம்.
- முகத்தசைகளில் காயம் இருக்கும்.
- தலையின் மேல்புறத்தில் பொறுத்தப்பட்ட அமைப்பின் காரணமாக காயம் இருக்கும்.
- உடலில் அதிக இரத்தப்போக்கு உண்டாகும்.
- வீக்கம் உண்டாகும்.
- பக்கவாதம்.
- மூளை பாதிப்பு.
கிரானியோட்டமி அறுவைசிகிச்சைக்குப் பின்னர் உடல் ரிதியாக நீங்கள் ஏதேனும் சிக்கல்களை எதிர்கொண்டால், உடனடியாக உங்கள் மருத்துவரை அணுகுங்கள்.
இந்தியாவில் கிரானியோட்டமி அறுவை சிகிச்சை மேற்கொள்வதற்கான செலவுகள் எவ்வளவு? (What is the cost of craniotomy in India in Tamil?)
இந்தியாவில் கிரானியோட்டமி அறுவை சிகிச்சையிக்கான மொத்த செலவு சுமார் 3,25,000 முதல் 5,25,000 ரூபாய் வரை ஆகலாம். இந்தியாவில் கிரானியோட்டமி செய்யும் பல மருத்துவர்கள் உள்ளனர், ஆனால் மருத்துவமனைகளைப் பொறுத்து கிரானியோட்டமி அறுவை சிகிச்சைக்கான செலவுகள் வேறுபடுகிறது. கிரானியோட்டமி அறுவை சிகிச்சை செய்வதற்கு மருத்துவமனை மற்றும் சிறப்பு மருத்துவர்களுக்கான செலவுகள் பற்றிய கூடுதல் தகவல்களைப் நீங்கள் பெற விரும்பினால், இங்கே கிளிக் செய்யுங்கள்.
கிரானியோட்டமி அறுவை சிகிச்சை மேற்கொள்வதற்காக நீங்கள் வெளிநாட்டிலிருந்து இந்திய வந்திருந்தால், கிரானியோட்டமி அறுவை சிகிச்சை செய்வதற்கான செலவுகளுக்கு மேலாக, ஹோட்டலில் தங்குவதற்கான செலவு மற்றும் பயணச்செலவு போன்ற பிற செலவுகளும் இருக்கின்றன. அறுவைசிகிச்சைக்கு பின்னர் நோயாளி ஏழு நாட்கள் மருத்துவமனையில் இருக்க வேண்டியது அவசியமாகும். மேலும், உடல் முழுமையாக குணமடையும் வரையில் ஹோட்டலில் பத்து நாட்களுக்கு மேல் தங்கவேண்டி இருக்கும். எனவே, அனைத்து செலவுகளும் சேர்த்து ரூ 4,78,258 வரை ஆகலாம். இதைப் பற்றிய கூடுதல் தகவல்களைப் நீங்கள் பெற விரும்பினால், இங்கே கிளிக் செய்யுங்கள்.
மேலும், நீங்கள் கிரானியோட்டமி சிகிச்சையைப் பற்றிய கூடுதல் தகவல்களை அறிய விரும்பினால், ஒரு நரம்பியல் அறுவை சிகிச்சை நிபுணரைத் தொடர்பு கொள்ளுங்கள்.
இந்தக் கட்டுரையின் மூலம் உங்களுக்கு தகவல்களை வழங்குவது மட்டுமே எங்கள் நோக்கமாகும். எந்தவொரு மருந்தையும், சிகிச்சையையும், அறுவை சிகிச்சையையும் நாங்கள் பரிந்துரைக்கவில்லை. ஒரு மருத்துவர் மட்டுமே உங்களுக்கு நல்ல ஆலோசனையை வழங்க முடியும். ஏனெனில், அவர்களை விட வேறு யாரும் சிறந்தவர்கள் அல்ல.
டெல்லியில் சிறந்த நரம்பியல் அறுவை சிகிச்சை நிபுணர்
மும்பையில் சிறந்த நரம்பியல் அறுவை சிகிச்சை நிபுணர்
