லேமினெக்டோமி என்றால் என்ன | What is laminectomy in Tamil
டிசம்பர் 16, 2020 Bone Health 1255 Viewsலேமினெக்டோமியின் பொருள் (Laminectomy meaning in Tamil)
லேமினெக்டோமி என்றால் என்ன ? லேமினெக்டோமி என்பது ஒரு வகை அறுவை சிகிச்சை, இதனை டிகம்பரஷ்ஷன் அறுவை சிகிச்சை என்றும் அழைக்கின்றனர். லேமினா என்பது முதுகெலும்பின் ஒரு பகுதியாகும், இது முதுகெலும்பின் பின்புறத்தில் உருவாகி முதுகெலும்பின் பின்புறத்தைச் சுற்றி இருக்கும் மென்தகுடாகும். லேமினெக்டோமி அறுவைசிகிச்சை செய்வதன் மூலம் மனித உடலின் லேமினா அகற்றப்படுகிறது. லேமினெக்டோமி அறுவைசிகிச்சை வழக்கமாக ஸ்பைனல் ஸ்டெனோசிஸ் (spinal stenosis) நோய்க்கு சிகிச்சையளிப்பதற்காக செய்யப்படுகிறது, ஸ்பைனல் ஸ்டெனோசிஸிஸ் என்பது முதுகெலும்புக்கு அதிக அழுத்தம் கொடுக்கும் ஒரு சிக்கலாகும்.
முதுகெலும்பின் எந்தப் பகுதி பதிக்கப்படுகின்றது என்பதை பொறுத்து ஸ்பைனல் ஸ்டெனோசிஸ் இரண்டு வகைப்படுகிறது. அவை:
லம்பார் ஸ்பைனல் ஸ்டெனோசிஸ் (Lumbar spinal stenosis)– இந்த வகை ஸ்டெனோசிஸில், முதுகின் கீழ் பகுதியில் முதுகெலும்பு குறுகுகிறது.
கர்வீக்கல் ஸ்பைனல் ஸ்டெனோசிஸ் (Cervical spinal stenosis)- இந்த வகை ஸ்டெனோசிஸில் கழுத்து பகுதியில் உள்ள முதுகெலும்பு குறுகுகிறது. மேலும், இந்த வகை ஸ்டெனோசிஸிஸ் அதிக பாதகமான விளைவுகளைக் கொண்டிருக்கிறது. இது மிகவும் கடுமையான சிக்கலாகும்.
- லேமினெக்டோமி என்றால் என்ன? (What is laminectomy in Tamil?)
- லேமினெக்டோமி ஏன் செய்யப்படுகின்றது? (Why is laminectomy done in Tamil?)
- லேமினெக்டோமிக்குப் பிறகு உடலை எவ்வாறு கவனித்துக்கொள்ள வேண்டும்? (How to take care the body after laminectomy in Tamil?)
- லேமினெக்டோமி அறுவை சிகிச்சையின் சிக்கல்கள் என்ன? (What are the complications of laminectomy in Tamil?)
- இந்தியாவில் லேமினெக்டோமி அறுவை சிகிச்சை மேற்கொள்வதற்கான செலவுகள் எவ்வளவு? (What is the cost of laminectomy in India in Tamil?)
லேமினெக்டோமி என்றால் என்ன? (What is laminectomy in Tamil?)
ஸ்பைனல் ஸ்டெனோசிஸ் சிக்கல் ஏற்பட்டுள்ள நோயாளிகளுக்கு, லேமினெக்டோமி சிகிச்சை மிகவும் தேவைப்படுகிறது. ஸ்பைனல் ஸ்டெனோசிஸ் சிக்கலினால் ஏற்படும் அறிகுறிகளின் அடிப்படையில் அறுவை சிகிச்சை செய்யப்படுகின்றது, அவை :
- முதுகில் வலி மற்றும் பிடிப்பு உண்டாகும்.
- கால்கள், தொடைகள், கழுத்து, தோள் தசைகள் மற்றும் கைகளில் வலி உண்டாகும்.
- உணர்வின்மை.
- குடல் மற்றும் சிறுநீர்ப்பைத் தொடர்பான சிக்கல்கள்.
- நடைபயிற்சி, வளைதல் போன்ற உடல் செயல்பாடுகளைச் செய்யும்போது ஏற்படும் வலி.
- சியாட்டிகா உண்டாகும் (சியாட்டிகா என்பது கீழ் முதுகில் இருந்து கால் வரை கீழே செல்லும் வலியாகும்)
- கைகால்கள் பலவீனம் அடைகின்றன.
- உடலின் சமநிலை (imbalanced body) மாறுபடுகிறது.
- முதுகெலும்பில் நோய்த்தொற்று உண்டாகும்.
- ட்ரோமா ஏற்படும் வாய்ப்புகள் அதிகம். (முதுகெலும்பில் எலும்பு முறிவு)
முதுகெலும்பு மிகவும் பலவீனமாகவோ அல்லது கடுமையான ஸ்கோலியோசிஸ் (scoliosis) பிரச்சினையால் பாதிக்கப்பட்டிருந்தால் அந்த நபருக்கு லேமினெக்டோமி அறுவை சிகிச்சை செய்ய இயலாது.
லேமினெக்டோமி ஏன் செய்ய படுகின்றது? (Why is laminectomy done in Tamil?)
லேமினெக்டோமி செய்வதற்கு முன்பு மருத்துவர்கள் ஸ்பைனல் ஸ்டெனோசிஸ் நோயாளியை முழுமையாகப் பரிசோதனை செய்கின்றனர். இந்தப் பரிசோதனையின் போது மருத்துவர்கள் நோயாளியிடம் நடப்பது, எழுந்து நிற்பது, முன்னோக்கி மற்றும் பின்னோக்கி வளைவது போன்ற எளிய உடல் செயல்பாடுகளை செய்ய அறிவுறுத்துகின்றனர். அதன் பின்னர் வலியின் இருப்பிடம் மற்றும் வலியின் தீவிரத்தின் அடிப்படையிலும் பரிசோதனை செய்கின்றனர். மேலும், முதுகெலும்புகளில் தேய்மானம் ஏற்பட்டுள்ளதா என்பதை கண்டறிய எக்ஸ்ரே செய்கின்றனர். இது தவிர, வேறு சில பரிசோதனைகளும் செய்யப்படுகின்றன.
- எலக்ட்ரோமயோகிராபி (Electromyography EMG ) – ஸ்டெனோசிஸ் சிக்கலினால் பாதிக்கப்பட்ட தசைகள் மற்றும் நரம்புகளின் நிலையைக் கண்டறிய EMG உதவுகிறது.
- சி.டி ஸ்கேன் ( CT scan ) – சி.டி ஸ்கேன் செய்யும் போது முதுகெலும்பு கால்வாயில் ஒரு சாயம் (a dye) செலுத்தப்படுகிறது, இவ்வாறு செய்வதன் மூலம் ஏற்பட்டுள்ள சிக்கல் எலும்பு தொடர்பானதா அல்லது டிஸ்க்கு குடலிறக்கம் (disc herniation), லிகமென்ட் ஹைபர்டிராபி (ligament hypertrophy) போன்ற மென்மையான திசுக்களின் பலவீனத்தினால் ஏற்படும் பிரச்சினையா என்பதைக் கண்டறிய உதவுகிறது.
- எம்ஆர்ஐ ஸ்கேன் – (MRI scan) MRI ஸ்கேன் செய்யும் போது ரேடியோ அலைகளைப் பயன்படுத்தி மருத்துவர்கள் முதுகெலும்பின் படங்களை எடுக்கின்றனர். மேலும், இது முதுகெலும்பின் பிற மாற்றங்களை அடையாளம் காண உதவுகிறது.
அறுவை சிகிச்சை (Surgery)
- அறுவைசிகிச்சைக்கு முன் நோயாளிக்கு பொது மயக்க மருந்து (anesthesia) கொடுக்கப்படுகிறது, இதனால் நோயாளி மயக்கமடைகிறார். மேலும், அவரால் எந்த வலியையும் உணர இயலாது.
- அறுவை சிகிச்சையின் போது சுவாசிப்பத்திற்காக இயந்திர காற்றோட்டம் (mechanical ventilation) துணை புரிகின்றது.
- அறுவை சிகிச்சையின் போது, இதய துடிப்பு போன்ற உடலின் முக்கிய காரனிகள் தொடர்ந்து கண்காணிக்கப்படுகிறது.
- அறுவைசிகிச்சையின் போது மருத்துவர் முதுகில் பாதிக்கப்பட்ட பகுதியில் கீறல் செய்து, தசைகள் மற்றும் பிற திசுக்களை நகர்த்தி முதுகெலும்பின் சிறந்த பார்வையைப் பெறுகின்றார்.
- பின்னர் மருத்துவர் லேமினா, பாதிக்கப்பட்ட எலும்புகள், நரம்புகளை சுருக்கும் தசைநார்கள் போன்றவற்றை நீக்குகிறார். நோயாளியின் நிலையைப் பொறுத்தளவில் லேமினா மற்றும் தசைகள் அகற்றப்படுகிறது. பின்னர் கீறல் செய்யப்பட்ட பகுதி தைப்பதின் மூலம் மூடப்படுகிறது.
லேமினெக்டோமிக்குப் பிறகு உடலை எவ்வாறு கவனித்துக்கொள்ள வேண்டும்? (How to take care the body after laminectomy in Tamil?)
லேமினெக்டோமி அறுவை சிகிச்சைக்குப் பின்னர் நோயாளி குணமடைந்து இயல்பு நிலைக்கு திரும்ப சில காலமாகிறது. எலும்புகள் முழுமையாக குணமடைய குறைந்தது நான்கு முதல் ஐந்து மாதங்களாகின்றன சில சமயங்களில் ஒரு வருடம் வரை ஆகலாம் என்றும் மருத்துவர்கள் கூறுகின்றனர். இருப்பினும், பரிசோதனைக்கிற்காக தொடர்ந்து மருத்துவமனைக்கு செல்ல வேண்டியது அவசியமாகிறது. வீட்டிற்கு வந்த பிறகு, நோயாளி ஏதேனும் வலி அல்லது அசௌகரியத்தை உணர்ந்தால் உடனடியாக தனது மருத்துவரைத் தொடர்பு கொள்ள வேண்டும்.
- மருத்துவமனையில் இருந்து டிஸ்சார்ஜ் ஆன பிறகு, பின்வரும் தகவல்களை மனதில் வைத்துக்கொள்ளுமார் மருத்துவர்கள் அறிவுறுத்துகின்றனர்,
- உதாரணமாக, அறுவை சிகிச்சைக்குப் பின்னர் நடக்கும் போது, எழுந்திருக்கும்போது, உட்காரும் போது என ஒவ்வொரு செயல்பாடுகளிலும் இடுப்பின் ஆதரவைப் பெற சிறிது நேரம் ஆகலாம். எனவே, இடுப்பை ஆதரிக்க பெல்ட் அணிய வேண்டும்.
- அறுவைசிகிச்சைக்குப் பிறகு உடலின் காயங்கள் உலர பொதுவாக ஒரு வார காலமாகும் என்பதால் நோயாளி எப்போது குளிக்க வேண்டும் என்று மருத்துவரிடம் ஆலோசனை கேட்க வேண்டும்.
- நோயாளிகள் புகைபிடித்தல் மற்றும் ஆல்கஹால் உட்கொள்ளுதல் போன்ற தீய பழக்கங்களை விட்டுவிட வேண்டும். ஏனெனில், இந்த மோசமான பழக்கங்கள் நோயாளி குணமைடைவதை தாமதிக்கிறது.
- நோயாளி அரை மணி நேரத்திற்கும் மேலாக ஒரு நிலையில் உட்கார்ந்திருப்பதால் அல்லது ஒரே நிலையில் தூங்குவதால் வலி மற்றும் அசௌகரியத்தை உணர்ந்தால் அவ்வாறு ஒரே நிலையில் இருப்பதைத் தவிர்க்க வேண்டும்.
- அறுவைசிகிச்சை முடிந்து சில வாரங்களுக்குப் பிறகு, நோயாளி மெல்ல மெல்ல நடக்க முயற்சிக்க வேண்டும். அதோடு படிக்கட்டுகளில் மேலும் கீழும் ஏறி இறங்க வேண்டும்.
- அறுவைசிகிச்சைக்குப் பிறகு நோயாளி நான்கு கிலோவுக்கு மேல் எடையை தூக்குவதை தவிர்க்க வேண்டும். ஏனெனில், இந்த செயல் முதுகெலும்பில் பாதகமான விளைவை ஏற்படுத்தும்.
- ஓடுவது மற்றும் குதிப்பது போன்ற விளையாட்டுகளை விளையாடுவதைத் தவிர்க்கவும். ஓட்டப்பந்தயம், நீச்சல் செய்வது போன்றவற்றைத் தவிர்க்க வேண்டும்.
லேமினெக்டோமி அறுவை சிகிச்சையின் சிக்கல்கள் என்ன? (What are the complications of laminectomy in Tamil?)
எந்தவொரு பெரிய அறுவை சிகிச்சையிலும் சில ஆபத்துகளும் சிக்கல்களும் உள்ளன. இதேபோல், லேமினெக்டோமி அறுவை சிகிச்சைக்கு பின்னரும் சில சாத்தியமான அபாயங்களும் சிக்கல்களும் இருக்கின்றன, அவை:
- உடலில் தீவிர இரத்த இழப்பு உண்டாகலாம்.
- நோய்த்தொற்று ஏற்படுவதற்கான ஆபத்துகள் அதிகரிக்கும்.
- மாரடைப்பு அல்லது பக்கவாதம் ஏற்படலாம்.
- முதுகெலும்பில் சேதம் ஏற்படும் அபாயம் உள்ளது, இந்த ஆபத்து மேலும் சில கடுமையான சிக்கல்களை ஏற்படுத்தும்.
- செரிப்ரோஸ்பைனல் திரவம் கசிய வாய்ப்பு உள்ளது.
- நுரையீரலுக்குள் உள்ள இரத்த நாளகங்களில் அடைப்பு ஏற்படுவதால், நுரையீரல் தக்கையடைப்பு ஏற்படும்.
- அறுவை சிகிச்சையின் போது உடலில் பயன்படுத்தப்பட்ட மருந்துகளின் எதிர்வினை பக்க விளைவுகளும் ஏற்படலாம்.
இந்தியாவில் லேமினெக்டோமி அறுவை சிகிச்சை மேற்கொள்வதற்கான செலவுகள் எவ்வளவு? (What is the cost of laminectomy in India in Tamil?)
இந்தியாவில் ஒரு லேமினெக்டோமி அறுவை சிகிச்சை செய்வதற்கான மொத்த செலவு சுமார் 2,30,000 முதல் 3,90,000 ரூபாய் வரை ஆகலாம். மேலும், இதற்கான செலவு மருத்துவமனைகளைப் பொறுத்து வேறுபடுகிறது. லேமினெக்டோமி அறுவை சிகிச்சையில் அனுபவம் வாய்ந்த பல திறமையான மருத்துவர்கள் இந்திய மருத்துவமனைகளில் உள்ளனர். லேமினெக்டோமி அறுவை சிகிச்சைக்கான செலவுகள் மற்றும் அறுவை சிகிச்சை மேற்கொள்வதற்கு சிறந்த மருத்துவர்கள் குறித்து கூடுதல் தகவல்களை நீங்கள் பெற விரும்பினால், இங்கே கிளிக் செய்யுங்கள்.
நீங்கள் வெளிநாட்டிலிருந்து சிகிச்சைக்காக இந்தியா வந்திருந்தால், லேமினெக்டோமி அறுவை சிகிச்சைக்கான செலவுகளுக்கு மேலதிகமாக, ஹோட்டலில் தங்குவதற்கான செலவு, பயணச் செலவு போன்றவையும் இருக்கும். அறுவை சிகிச்சைக்குப் பிறகு, நோயாளி ஐந்து முதல் பன்னிரண்டு நாட்கள் வரை மருத்துவமனையில் இருக்க வேண்டும். எனவே அனைத்து செலவுகளும் சேர்த்து சராசரியாக 4,83,547 ரூபாய் வரை தேவைப்படுகிறது. இது குறித்த கூடுதல் தகவல்களை நீங்கள் பெற விரும்பினால், இங்கே கிளிக் செய்யுங்கள்.
லேமினெக்டோமி சிகிச்சை குறித்த கூடுதல் தகவல்களை நீங்கள் பெற விரும்பினால், சிறந்த முதுகெலும்பு அறுவை சிகிச்சை நிபுணரைத் (Spine surgeon) தொடர்பு கொள்ளுங்கள்.
இந்த கட்டுரையின் மூலம் உங்களுக்கு தகவல்களை வழங்குவது மட்டுமே எங்கள் நோக்கமாகும். எந்தவொரு மருந்து அல்லது சிகிச்சையையும் நாங்கள் பரிந்துரைக்கவில்லை. ஒரு மருத்துவர் மட்டுமே உங்களுக்கு நல்ல ஆலோசனையை வழங்க முடியும். ஏனெனில், அவர்களை விட வேறு யாரும் சிறந்தவர்கள் அல்ல.
மும்பையில் சிறந்த முதுகெலும்பு அறுவை சிகிச்சை நிபுணர்
சென்னையில் சிறந்த முதுகெலும்பு அறுவை சிகிச்சை நிபுணர்
