காலரா என்றால் என்ன | What is cholera in Tamil
பிப்ரவரி 26, 2021 Lifestyle Diseases 2151 Viewsகாலரா என்பது கடுமையான வயிற்றுப்போக்கு மற்றும் நீரிழப்பை ஏற்படுத்தும், ஒரு பாக்டீரியா தொற்று ஆகும். தக்க சமயத்தில் இதற்கான சிகிச்சையளிக்கப்படாவிட்டால் இது மரணத்திற்கு வழிவகுக்கிறது. விப்ரியோ காலரா என்னும் பாக்டீரியாவினால் பாதிக்கப்பட்ட உணவு மற்றும் தண்ணீரை உட்கொள்வதன் மூலம் காலரா ஏற்படுகிறது. சுகாதாரமான சுற்றுச்சூழல் இல்லாத போது, காலரா நோயின் அச்சுறுத்தல் அதிகரிக்கிறது. இன்றையப் பதிவில் காலரா என்றால் என்ன, என்பது குறித்து சில முக்கிய தகவல்களை அறிந்து கொள்வோம்.
- காலரா ஏற்படுவதற்கான காரணங்கள் யாவை? (What causes cholera in Tamil?)
- காலராவின் அறிகுறிகள் யாவை? (What are the symptoms of cholera in Tamil?)
- காலராவிற்கான சிகிச்சைகள் என்ன? (What are the treatments for cholera in Tamil?)
- காலராவை எவ்வாறு தடுப்பது? (How to prevent cholera in Tamil?)
காலரா ஏற்படுவதற்கான காரணங்கள் யாவை? (What are the causes of cholera in Tamil?)
விப்ரியோ காலரா என்னும் பாக்டீரியாவின் தாக்கத்தினால் காலரா நோய் ஏற்படுகின்றது. இந்த வகை பாக்டீரியா பெரும்பாலும், அசுத்தமான உணவு மற்றும் தண்ணீரில் காணப்படுகிறது. காலரா நோய் ஏற்படுவதற்கான பொதுவான சில காரணங்கள் கீழே குறிப்பிடப்பட்டுள்ளன, அவை:
- நகராட்சி வழங்கும் தண்ணீர் மற்றும் இந்த தண்ணீரைக் கொண்டு செய்யப்படும் பனிக்கட்டிகளின் மூலமும் நோய் பரவுவதற்கான வாய்ப்புகள் உள்ளது.
- தெரு விற்பனையாளர்களால் விற்கப்படும் உணவுகள் மற்றும் பானங்களில் தீங்கு விளைவிக்கும் நுண்ணுயிரிகள் இருக்க வாய்ப்புகள் உள்ளது.
- அசுத்தமான தண்ணீரின் பயன்கொண்டு வளர்க்கப்படும், காய்கறிகளும் பாதிக்கப்படுகின்றன. அசுத்தமான குட்டைகள் அல்லது அசுத்தமான குட்டைகளிலிருந்து பிடிபட்ட மீன்களும் தொற்றுநோயை ஏற்படுத்துகின்றன.
- ஒரு நபர் அசுத்தமான உணவு அல்லது தண்ணீரை உட்கொள்ளும்போது, அதிலுள்ள பாக்டீரியாக்கள் வெளியிடும் நச்சுதன்மையின் காரணமாக கடுமையான வயிற்றுப்போக்கு ஏற்படுகின்றது. (மேலும் படிக்க- வயிற்றுப்போக்கு என்றால் என்ன)
- பாதிக்கப்பட்ட நபருடன் நேரடியாக தொடர்பு கொள்வதன் மூலம், காலரா நோய் பரவுவதற்கான சாத்திய கூறுகள் ஏதுமில்லை.
காலராவின் அறிகுறிகள் யாவை? (What are the symptoms of cholera in Tamil?)
நோய்த்தொற்று ஏற்பட்ட சில மணிநேரங்கள் அல்லது நாட்களுக்குப் பிறகு காலராவின் அறிகுறிகள் காணப்படுகின்றன. காலரா சில கடுமையான அறிகுறிகளுக்கும் வழிவகுக்கிறது. காலராவின் சில அறிகுறிகள் கீழே பட்டியலிடப்பட்டுள்ளன, அவை:
- அதிகபடியான தாகம்.
- விரைவான இதய துடிப்பு.
- தோல் சேதம் (மேலும் வாசிக்க- மழைக்காலங்களில் சருமப் பராமரிப்பு)
- தொண்டை, வாய் மற்றும் கண் இமைகளில் ஈரப்பதம் இல்லாமல் இருப்பது.
- தசைப் பிடிப்பு
- தக்க சமயத்தில் சிகிச்சை அளிக்காவிட்டால், காலரா மரணத்திற்கு வழிவகுக்கிறது.
காலராவிற்கான சிகிச்சைகள் என்ன? (What are the treatments for cholera in Tamil?)
சரியான நேரத்தில் சிகிச்சையளிக்கப்படாவிட்டால், காலரா மிகவும் ஆபத்தான விளைவுகளை ஏற்படுத்துகிறது. மருத்துவர்கள் பல வழி முறைகளைக் கொண்டு காலராவுக்கு சிகிச்சை அளிக்கின்றனர். காலரா பாக்டீரியாவால் பாதிக்கப்பட்ட மக்களில் பெரும்பாலனோர் லேசான வயிற்றுப்போக்கு மற்றும் குறைவான அறிகுறிகளையேக் கொண்டிருக்கின்றனர். காலரா நோயால் பாதிக்கப்பட்டவர்களில் ஒரு சிலருக்கு மட்டுமே கடுமையான அறிகுறிகள் ஏற்படுகின்றன, அத்தகையோருக்கு மருத்துவ சிகிச்சை தேவைப்படுகிறது. காலரா நோயாளிகளைக் கண்டறிந்து விரைவாக சிகிச்சை அளிக்க வேண்டும். ஏனெனில், பொருத்தமான சிகிச்சையை அளிப்பதன் மூலமே காலராவின் கடுமையான தாக்கத்தை குணப்படுத்த இயலும்.
- நீரேற்றம் (Rehydration): ORS ஐ கொதிக்கவைத்த தண்ணீரில் கலந்து குடிப்பதன் மூலம், காலராவின் அறிகுறிகளைக் குறைக்க இயலும்.
- நரம்பு வழி திரவங்கள் (Intravenous fluids): கடுமையான நீரிழப்பு உண்டாகும் போது, நோயாளிகளுக்கு நரம்பின் வழியே திரவங்கள் வழங்கப்படுகின்றன.
- நுண்ணுயிர் எதிர்ப்பிகள் (Antibiotics): காலராவை குணப்படுத்த மருத்துவர்கள் பல அளவு நுண்ணுயிர் எதிர்ப்பிகளை பரிந்துரைக்கின்றனர்.
மருத்துவரை அணுகாமல் எந்தவித மருந்துகளையும் எடுத்துக் கொள்ள வேண்டாம்.
காலராவை எவ்வாறு தடுப்பது? (How to prevent cholera in Tamil?)
மருத்துவ ஆராய்ச்சியாளர்கள் காலராவுக்கு ஒரு தடுப்பூசியை உருவாக்கியுள்ளனர். எனினும், இந்த தடுப்பூசி சில மாதங்களுக்கு மட்டுமே பயனுள்ளதாக இருக்கிறது. இதனால், நோய் கட்டுப்பாட்டு மையம் (சி.டி.சி) மற்றும் உலக சுகாதார அமைப்பு (டபிள்யூ.எச்.ஓ) ஆகியவை, இந்த தடுப்பூசியை பரிந்துரைப்பதில்லை. எனினும் , கொதிக்கவைத்த, சுத்திகரிக்கப்பட்ட அல்லது பாட்டிலில் வினியோகிக்கப்படும் தண்ணீரைப் பயன்படுத்துவதன் மூலம் நீங்கள் பாதுகாப்பாக இருக்க முடியும். பின்வரும் சில நடவடிக்கைகளைப் பின்பற்றுவதன் மூலம் காலராவைத் தடுக்க இயலும், அவை:
- கொதிக்கவைத்த அல்லது பாட்டிலில் வினியோகிக்கப்படும் தண்ணீரைப் பயன்படுத்துங்கள்.
- வேதியியல் ரீதியாக சுத்திகரிக்கப்பட்ட தண்ணீரைப் பயன்படுத்துங்கள்.
- சுத்திகரிக்கப்பட்ட தண்ணீரை குடிக்கவும்.
- குடிக்கவும், சமைக்கவும் சுத்தமான தண்ணீரைப் பயன்படுத்துங்கள்.
- சுத்தமான தண்ணீரைக் கொண்டு பனிக்கட்டிகளை தயாராகுங்கள்.
- நாள் ஒன்றுக்கு இரண்டு முறை பல் துலக்குங்கள்.
- முகத்தையும் கைகளையும் அடிக்கடி கழுவவும்.
- சுத்தமான பாத்திரங்களைப் பயன்படுத்தி உணவுகளை சமைக்கவும்.
- பழங்கள் மற்றும் காய்கறிகளை உட்கொள்வதற்கு முன்பு நன்றாக கழுவ வேண்டும்.
காலராவின் ஏதேனும் அறிகுறி்களை நீங்கள் எதிர்கொண்டால், உடனடியாக ஒரு பொது மருத்துவரைத் (General Physician) தொடர்பு கொள்ளுங்கள்.
டெல்லியில் சிறந்த பொது மருத்துவர்
சென்னையில் சிறந்த பொது மருத்துவர்
