மங்கோஸ்டீனின் நன்மைகள் மற்றும் பக்க விளைவுகள் | Benefits and side effects of mangosteen in Tamil
ஏப்ரல் 5, 2021 Lifestyle Diseases 3194 Viewsபெரும்பாலும், ஒரு சிலரே மங்கோஸ்டீன் பழத்தைப் பற்றி அறிவார்கள். மங்கோஸ்டீன் மிகவும் கவர்ச்சியான பழமாகும், மற்றும் பெரும்பாலும் வெப்பமண்டல பகுதிகளிலேயே, இவை வளர்கின்றன. இது, இனிப்பு மற்றும் சற்று புள்ளிப்பான சுவையைக் கொண்டுள்ளது. பழங்களின் ராணி (Queen of fruits) என்று அழைக்கப்படும் மங்கோஸ்டீனில் பல்வேறு நோய்த்தொற்றுகள் மற்றும் நோய்களைத் தடுக்க உதவும் பல்வேறு வகையான ஊட்டச்சத்துக்கள் நிறைந்துள்ளன. மங்கோஸ்டீன் ஒவ்வொரு மொழியிலும், வெவ்வேறு பெயரைக் கொண்டு அழைக்கப்படுகிறது. குஜராத்தியில் கோகம் என்றும் கன்னடத்தில் முருகலா ஹன்னு என்றும் தமிழில் மங்கூஸ்தான் என்றும் அழைக்கப்படுகிறது. மாங்கோஸ்டீன் இரத்த அழுத்தத்தை இயல்பாக்குகிறது, புற்றுநோயைத் தடுக்கிறது, உடல் எடையைக் கட்டுப்படுத்துகிறது, மாதவிடாய் சிக்கல்களைக் குறைக்கிறது, செரிமானம் தொடர்பான நோய்களைக் குணப்படுத்துகிறது மற்றும் இரத்தத்திலுள்ள சர்க்கரை அளவை பராமரிக்கிறது. இன்றையக் கட்டுரையில், மங்கோஸ்டீனின் நன்மைகள் பற்றிய விரிவான தகவல்களைப் பார்ப்போம்.
- மங்கோஸ்டீன் பழம் என்றால் என்ன? (What is meant by mangosteen in Tamil?)
- மங்கோஸ்டீன் பழத்தின் ஊட்டச்சத்து முக்கியத்துவம் என்ன? (What are the nutritional importance of mangosteen in Tamil?)
- மங்கோஸ்டீன் பழத்தின் நன்மைகள் என்ன? (What are the benefits of mangosteen in Tamil?)
- மங்கோஸ்டீன் பழத்தின் பக்க விளைவுகள் என்ன? (What are the side effects of mangosteen in Tamil?)
மங்கோஸ்டீன் பழம் என்றால் என்ன? (What is meant by mangosteen in Tamil?)
மங்கோஸ்டீன் பழம் வெளிபுறத்தில் ஊதா நிறத்திலும் உள்புறத்தில் வெண்மையாகவும் காணப்படுகிறது. இது மிகுந்த இனிமையாகவும் சுவையாகவும் உள்ளது. எனினும், இதன் விதைகள் கசப்பான சுவையைக் கொண்டுள்ளது. மாங்கோஸ்டீன், தாய்லாந்தின் தேசிய பழமாக விளங்குகிறது. இது, இந்தியாவின் பல்வேறு பகுதிகளில் வாழும் மக்களாலும் ருசித்து உண்ணப்படுகிறது. (மேலும் வாசிக்க- பீச் பழத்தின் நன்மைகள் மற்றும் பக்க விளைவுகள்)
மங்கோஸ்டீன் பழத்தின் ஊட்டச்சத்து முக்கியத்துவம் என்ன? (What are the nutritional importance of mangosteen in Tamil?)
மாங்கோஸ்டீன் பழத்தில் எண்ணற்ற ஊட்டச்சத்துக்கள் நிறைந்துள்ளன. இதில் கார்போஹைட்ரேட்டுகளும், அதிகளவில் நார்ச்சத்துகளும் உள்ளன. இதில் வைட்டமின் ஏ, வைட்டமின் சி, இரும்பு, கால்சியம் மற்றும் பொட்டாசியம் நிரம்பியுள்ளது. இதில் நியாசின், தியாமின், ஃபோலேட், மற்றும் வைட்டமின் பி காம்ப்ளக்ஸ் ஆகியவை நிறைந்துள்ளன. மேலும், இதில் நல்ல அளவில் புரதம் மற்றும் கொழுப்பு நிறைந்துள்ளது, இது வளர்சிதை மாற்றத்தை மேம்படுத்துகிறது. (மேலும் படிக்க- இரைப்பை பிரச்சினைகள்)
மங்கோஸ்டீன் பழத்தின் நன்மைகள் என்ன? (What are the benefits of mangosteen in Tamil?)
மங்கோஸ்டீனுக்கு பல்வேறு ஆரோக்கிய நன்மைகள் உள்ளன, அவற்றில் சில கீழே குறிப்பிடப்பட்டுள்ளன:
- மாதவிடாயின் போது நன்மை பயக்கிறது (Beneficial during menstruation): மாதவிடாயின் போது பெண்கள் பல வகையான சிக்கல்களை எதிர்கொள்கின்றனர். இதுபோன்ற சிக்கல்களை சமாளிக்க மாங்கோஸ்டீன் பழத்தில் உள்ள மருத்துவ குணங்கள் உதவுகின்றன. இவை வலியையும் நீக்குகின்றன. (மேலும் படிக்க- மாதவிடாய் வலியின் பிரச்சினை)
- ஆற்றலை வழங்குகிறது (Provides energy): மாங்கோஸ்டீன் பழத்தை உட்கொள்வது, உடலின் ஆற்றல் அளவை அதிகரிக்க உதவுகிறது என்பதை சில ஆய்வுகள் நிரூபிக்கின்றன. இதில் நல்ல அளவில் நார்ச்சத்து மற்றும் ஊட்டச்சத்துக்கள் நிறைந்துள்ளன. தினசரி காலையில் ஒரு மாங்கோஸ்டீன் சாப்பிடுவது, உடலுக்கு தேவையான ஆற்றலை நாள் முழுவதும் வழங்குகிறது.
- நோய் எதிர்ப்பு சக்தியை அதிகரிக்கிறது (Increases immunity): மாங்கோஸ்டீன் பழம் நோயெதிர்ப்பு மண்டலத்திற்கு நன்மை பயக்கிறது. இதில் நரம்பு மண்டலத்தை பராமரிக்க உதவும் வைட்டமின் சி உள்ளது. மாங்கோஸ்டீன் பழத்தை சாப்பிடுவதன் மூலம், உடலின் நோய் எதிர்ப்பு சக்தியை அதிகரிக்க இயலும். இது நோய்த்தொற்றுகளை எதிராக போராட உடலுக்கு உதவுகிறது. (மேலும் வாசிக்க- நோய் எதிர்ப்பு சக்தியை எவ்வாறு அதிகரிப்பது)
- வீக்கத்தைக் குறைக்கிறது (Reduces inflammation): மங்கோஸ்டீன் பழத்தில் ஆன்ட்டி அழற்சி பண்புகள் உள்ளன, இவை வீக்கத்தைக் குறைக்கின்றன. சளி மற்றும் காய்ச்சலைக் குணப்படுத்துவதற்கும் இது நன்மை பயக்கிறது. (மேலும் படிக்க- கற்றாழையின் ஆரோக்கிய நன்மைகள்)
- உடல் எடையைக் குறைக்கிறது (Reduces body weight): உடல் எடையைக் குறைக்க உதவும் பல்வேறு வீட்டு வைத்தியங்களைப் பலரும் பயன்படுத்துகிறார்கள், எனினும் அவற்றுள் பெரும்பான்மையான வழிகள் பயன்யளிப்பதில்லை. அதிகளவில் கலோரிகளை உட்கொள்வது, உடல் எடையை அதிகரிக்கிறது. மங்கோஸ்டீனில், அதிக அளவில் நார்ச்சத்துகள் மற்றும் உடல் எடை அதிகரிப்பைத் தடுக்கும் ஏராளமான ஊட்டசத்துக்கள் உள்ளன. உடல் எடையைக் குறைக்க மங்கோஸ்டீன் பழத்தை எடுத்துக் கொள்ளுங்கள். (மேலும் படிக்க- உடல் பருமன் என்றால் என்ன)
மங்கோஸ்டீன் பழத்தின் பக்க விளைவுகள் என்ன? (What are the side effects of mangosteen in Tamil?)
- மங்கோஸ்டீன் பழம் பல ஆரோக்கிய நன்மைகளைக் கொண்டுள்ளது. எனினும், இதன் அதிகப்படியான உட்கொள்ளல் சில பக்க விளைவுகளை ஏற்படுத்தக்கூடும்.
- மங்கோஸ்டீனுக்கு ஒவ்வாமை உள்ளவர்கள் இதனை உட்கொள்ளக்கூடாது.
- மங்கோஸ்டீனின் அதிகப்படியான உட்கொள்ளல் இரத்த உறைவுகளை ஏற்படுத்துகிறது.
- தினசரி ஏதேனும் மருந்துகளை உட்கொள்ளும் நபர்கள் மங்கோஸ்டீனை உட்கொள்வதற்கு முன்பு மருத்துவரிடம் ஆலோசனை செய்ய வேண்டும்.
- மங்கோஸ்டீனை நன்றாக சுத்தம் செய்து பின்னரே உட்கொள்ள வேண்டும்.
- எப்போதும் புதிய மங்கோஸ்டீன் பழங்களையே சாப்பிடுங்கள். ஏனெனில், பழைய பழங்கள் வறண்ட சருமத்திற்கு தீங்கு விளைவிக்கும்.
- கர்ப்பிணிப் பெண்கள் மங்கோஸ்டீனை உட்கொள்ளக்கூடாது, ஏனெனில் இது கருவில் உள்ள குழந்தையின் உடலில் மோசமான விளைவுகளை ஏற்படுத்தக்கூடும்.
- நீங்கள் ப்ளெட் தின்னர்களை எடுத்துக் கொண்டிருந்தால், மங்கோஸ்டீன் உட்கொள்வதைத் தவிர்க்கவும். (மேலும் படிக்க – இரத்த சோகை என்றால் என்ன)
மாங்கோஸ்டீன் உட்கொள்வதன் காரணமாக உடல்நலம் தொடர்பான ஏதேனும் சிக்கலை நீங்கள் சந்திக்கிறீர்கள் எனில், உடனடியாக ஒரு பொது மருத்துவரைத் (General Physician) தொடர்பு கொள்ளுங்கள்.
இந்தக் கட்டுரையின் மூலம் உங்களுக்கு தகவல்களை வழங்குவது மட்டுமே எங்கள் நோக்கமாகும். எந்தவொரு மருந்தையும், சிகிச்சையையும், அறுவை சிகிச்சையையும் நாங்கள் பரிந்துரைக்கவில்லை. ஒரு மருத்துவர் மட்டுமே உங்களுக்கு நல்ல ஆலோசனையை வழங்க முடியும். ஏனெனில், அவர்களை விட வேறு யாரும் சிறந்தவர்கள் அல்ல.
டெல்லியில் சிறந்த பொது மருத்துவர்
மும்பையில் சிறந்த பொது மருத்துவர்
