அன்னாசிப்பழத்தின் நன்மைகள் மற்றும் பக்க விளைவுகள் | Benefits and side effects of pineapple in Tamil 

English हिन्दी Tamil

அன்னாசிப்பழம் மிகவும் சுவையான பழமாகும், பெரும்பாலும் இது கோடைகாலத்தில் உண்ணப்படுகின்றது. இதில் எண்ணற்ற ஆன்ட்டி ஆக்ஸிடன்டுகள் உள்ளன; அன்னாசிப்பழம் கோடை காலத்தின் வெப்பமான காலநிலையிலிருந்து உடலுக்கு நிவாரணம் அளிக்கிறது. இதில் உள்ள வைட்டமின் சி சருமத்திற்கு நன்மை பயக்கிறது. அன்னாசிப்பழம் ஏராளமான வியாதிகளின் தாக்கத்தைத் தடுக்கிறது மற்றும் ஆரோக்கியத்தை மேம்படுத்துகிறது. அன்னாசிப்பழத்தின் ஆரோக்கிய நன்மைகள் மற்றும் பக்க விளைவுகள் குறித்து மேலும் தெரிந்து கொள்வோம். 

• அன்னாசிப்பழத்தில் உள்ள ஊட்டச்சத்து கூறுகள் யாவை? (What are the nutrients present in pineapple in Tamil?)
• அன்னாசிப்பழத்தின் நன்மைகள் என்ன? (What are the benefits of pineapple in Tamil?) 
• அன்னாசிப்பழத்தின் பக்க விளைவுகள் என்ன? (What are the side effects of pineapple in Tamil?) 

அன்னாசிப்பழத்தில் உள்ள ஊட்டச்சத்து கூறுகள் யாவை? (What are the nutrients present in pineapple in Tamil?) 

அன்னாசிப்பழத்தில் ஏராளமான ஊட்டச்சத்துக்கள் நிறைந்துள்ளன. இதில் கார்போஹைட்ரேட்டு, புரதம், கொழுப்பு மற்றும் நார்ச்சத்து ஆகியவை உள்ளன. அன்னாசிப்பழத்தில் வைட்டமின் ஏ, வைட்டமின் சி, வைட்டமின் ஈ, வைட்டமின் கே, ஃபோலேட், நியாசின், பைரிடாக்சின் மற்றும் ரைபோஃப்ளேவின் ஆகியவை நிறைந்துள்ளன. அன்னாசிப்பழத்தில் கால்சியம், துத்தநாகம், பொட்டாசியம், பாஸ்பரஸ், மெக்னீசியம், இரும்பு, தாமிரம் மற்றும் மாங்கனீசு ஆகிய தாதுக்களும் நிறைந்துள்ளன, அவை உடல் ஆரோக்கியத்திற்கு நன்மை பயக்கிறது. 

அன்னாசிப்பழத்தின் நன்மைகள் என்ன? (What are the benefits of pineapple in Tamil?) 

பின்வருவன, அன்னாசிப்பழத்தின் ஆரோக்கிய நன்மைகளாகும், அவை: 

• ஈறுகளுக்கு நன்மை பயக்கிறது (Beneficial for gums): அன்னாசிப்பழத்தின் நுகர்வு ஈறுகளை ஆரோக்கியமாக வைத்திருக்கிறது. மேலும், பற்களை வலிமையாக்குகிறது.
• முகப்பருக்களைக் குணமாக்குகிறது (Treats pimples): அன்னாசி பழத்தில் நிறைந்துள்ள வைட்டமின் சி சருமத்திற்கு நன்மை பயக்கிறது. முகப்பருக்கள் நீக்க அன்னாசிப்பழத்தை உட்கொள்ள வேண்டும். (மேலும் வாசிக்க- முகப்பருக்களுக்கான காரணங்கள்)
• கால் வெடிப்புகளை குணப்படுத்துகிறது (Treats cracks of the feet): கால் வெடிப்புகளை குணப்படுத்த ஏராளமான கிரீம்கள் மற்றும் மாய்ஸ்சரைசர்கள் சந்தையில் விற்கப்படுகின்றன. பாதங்களில் ஏற்படும் வெடிப்புகளை குணப்படுத்த அன்னாசிப்பழம் நன்மை பயக்கிறது. இறந்த தோல் செல்களை அகற்ற அன்னாசி தலாம் பயனுள்ளதாக இருக்கிறது. கால்களை மென்மையாகவும் அழகாகவும் மாற்ற ஒரு ஸ்க்ரபாக இதைப் பயன்படுத்தலாம்.
• சருமத்திற்கு நன்மை பயக்கிறது (Beneficial for skin): அன்னாசிப்பழத்தில் உள்ள வைட்டமின் சி மற்றும் ஆன்டிஆக்ஸிடன்ட்கள் சருமத்திற்கு மிகவும் நன்மை பயக்கிறது. இது தோல் வறட்சியைத் தடுக்கிறது மற்றும் சருமத்தை மென்மையாக்குகிறது. 
• முடியை வளர்க்கிறது (Nourishes the hair): அன்னாசிப்பழத்தை உட்கொள்வதன் மூலம், முடி உதிர்தலைத் தடுக்க முடிகிறது. அன்னாசிப்பழத்தில் வைட்டமின் சி போன்ற ஏராளமான ஊட்டச்சத்துக்கள் உள்ளன. இவை முடி உதிர்வதைத் தடுக்கிறது. (மேலும் வாசிக்க- முடி உதிர்தல் என்றால் என்ன, அதற்கான காரணங்கள் யாவை) 
• சளி மற்றும் இருமலைத் தடுக்கிறது (Prevents cold and cough): அன்னாசி பழம் என்பது சளி மற்றும் இருமலைத் தடுக்க உதவும் ஒரு பழமாகும். அன்னாசிப்பழத்தில் உள்ள வைட்டமின் சி மற்றும் ஆன்டிஆக்ஸிடன்ட்கள் தொற்றுநோய்களை எதிர்த்துப் போராட உதவுகின்றன. இது சளி மற்றும் இருமலை நீக்குகிறது. 
• கொழுப்பைக் கட்டுப்படுத்துகிறது (Controls Cholesterol): அன்னாசிப்பழத்தின் உட்கொள்ளல் உடலில் உள்ள கொழுப்பின் அளவை பராமரிக்க உதவுகிறது. இது இதயத்தை பாதுகாக்கிறது.
• எலும்புகளை பலப்படுத்துகிறது (Strengthens the bones): எலும்புகள் தொடர்பான வியாதிகள் மிகவும் வேதனையானவையாகும். இந்த சிக்கலைத் தவிர்க்க அன்னாசிப்பழத்தை தினசரி உட்கொள்ள வேண்டும். அன்னாசிப்பழத்தில் நிறைந்துள்ள மாங்கனீசு எலும்புகளை வலுப்படுத்துகிறது மற்றும் மூட்டுவலி போன்ற எலும்பு தொடர்பான பிரச்சினைகளைத் தடுக்கிறது. (மேலும் வாசிக்க- கீல்வாதம் என்றால் என்ன)

அன்னாசிப்பழத்தின் பக்க விளைவுகள் என்ன? (What are the side effects of pineapple in Tamil?) 

அன்னாசிப்பழத்தின் ஆரோக்கிய நன்மைகள் குறித்து நாம் அனைவரும் அறிவோம். சில சமயங்களில் அன்னாசிப்பழத்தின் உட்கொள்ளல் சில பக்க விளைவுகளை ஏற்படுத்தக்கூடும், அவை: 

• அன்னாசிப்பழத்தின் அதிகபடியான நுகர்வு வயிற்று வலி, வாந்தி மற்றும் வயிற்றுப்போக்குக்கு வழிவகுக்கிறது. அன்னாசிப்பழத்தில் அதிக அளவில் வைட்டமின் சி இருப்பதே இதற்குக் காரணமாகும்.
• பச்சை அன்னாசிப்பழம் சாப்பிடுவது அல்லது பச்சை அன்னாசி பழச்சாறு குடிப்பது உடல் ஆரோக்கியத்திற்கு தீங்கு விளைவிக்கக்கூடும். இது உடலில் நச்சுகளை உருவாக்குகிறது, இதன் விளைவாக வாந்தி மற்றும் வயிற்றுப்போக்கு ஏற்படுகிறது.
• தூக்கமின்மையைப் போக்க மருந்துகளை உட்கொள்பவர்கள், குறைந்த அளவிலேயே அன்னாசிப்பழத்தை உட்கொள்ள வேண்டும்.
• அன்னாசிப்பழம் சாப்பிடுவதன் விளைவாக தோல் ஒவ்வாமை ஏற்படும் நபர்கள், இதை உட்கொள்ளக்கூடாது. 

அன்னாசிப்பழத்தை உட்கொள்வதன் காரணமாக உடல்நலம் தொடர்பான ஏதேனும் சிக்கலை நீங்கள் சந்திக்கிறீர்கள் எனில், உடனடியாக ஒரு பொது மருத்துவரைத் (General Physician) தொடர்பு கொள்ளுங்கள். 

---

டெல்லியில் சிறந்த பொது மருத்துவர்

மும்பையில் சிறந்த பொது மருத்துவர்

பெங்களூரில் சிறந்த பொது மருத்துவர்

சென்னையில் சிறந்த பொது மருத்துவர்