பெப்டிக் அல்சர் என்றால் என்ன | What is peptic ulcer in Tamil

டிசம்பர் 16, 2020 Lifestyle Diseases 3902 Views

Share this post:

பெப்டிக் அல்சரின் பொருள் ( Meaning of Peptic ulcer ):

பெப்டிக் அல்சர் என்பது வயிற்றின் உள் புறத்தை மிகவும் பாதிக்கின்ற கொப்புளங்களாகும். வயிற்றுப் புண்ணை இரைப்பைப் புண் என்றும் அழைக்கின்றனர். சில சமயங்களில் இந்த புண்கள் குடலின் வெளிப்புறத்திலும் ஏற்படுகின்றது, இதனை டியோடெனல் அல்சர் என்று வழங்குகின்றனர். டியோடெனல் அல்சர் மற்றும் வயிற்று புண்கள் இரண்டினையும் சேர்த்து பெப்டிக் அல்சர் என்று அழைக்கின்றனர். இன்று, பெப்டிக் அல்சர் என்றால் என்ன ? என்பது குறித்து சில தகவல்களை விரிவாகக் கூறுகிறோம்.

பெப்டிக் அல்சர் என்றால் என்ன? (What is meant by peptic ulcer in Tamil?)
பெப்டிக் அல்சரின் வகைகள் என்ன? (What are the types of peptic ulcer in Tamil?)
பெப்டிக் அல்சர் ஏற்படுவதற்கான காரணங்கள் யாவை? (What are the causes of peptic ulcer in Tamil?)
பெப்டிக் அல்சரின் அறிகுறிகள் யாவை? (What are the symptoms of peptic ulcer in Tamil?)
பெப்டிக் அல்சருக்கான சிகிச்சைகள் என்ன? (What are the treatments for peptic ulcer in Tamil?)
பெப்டிக் அல்சரை எவ்வாறு தடுப்பது? (How to prevent peptic ulcer in Tamil?)

பெப்டிக் அல்சர் என்றால் என்ன? (What is meant by peptic ulcer in Tamil?)

வயிற்றின் உள்புறத்தில் கொப்புளங்கள் ஏற்படும் நிலையைப் பெப்டிக் அல்சர் என்றழைக்கின்றனர். பெப்டிக் அல்சரின் தாக்கம் கடுமையாகும் போது, இந்த கொப்புளங்கள் நோயாளிகளின் வயிற்றில் ஆழ்ந்த காயமாக மாறி பல பிரச்சினைகளுக்கு வழி வகுக்கிறது. மோசமான உணவுப் பழக்கத்தின் காரணமாக வயிற்றிலுள்ள அமிலத்தின் அளவு அதிகரிக்கிறது, இதன் விளைவாக பெப்டிக் அல்சர் எழுகிறது. மேலும், பாக்டீரியா தொற்றுகள் காரணமாகவும் பெப்டிக் அல்சர் ஏற்படுகின்றது.

பெப்டிக் அல்சரின் வகைகள் என்ன? (What are the types of peptic ulcer in Tamil?)

பெப்டிக் அல்சர் மூன்று வகைப்படும், அவை :

இரைப்பை புண் (Gastric ulcer)– இந்த வகையில், புண் வயிற்றில் உண்டாகிறது.
உணவுக்குழாய் புண் (Esophageal ulcer)– இந்த வகையில், புண் உணவுக் குழாயில் உண்டாகிறது.
டியோடெனல் அல்சர் (Duodenal ulcer)– இந்த வகையில், புண் சிறுகுடலில் உண்டாகிறது.

பெப்டிக் அல்சர் ஏற்படுவதற்கான காரணங்கள் யாவை? (What are the causes of peptic ulcer in Tamil?)

மன அழுத்தம் காரணமாகவும் வயிற்றில் அமில உற்பத்தி அதிகரிக்கிறது. மேலும், இதன் விளைவாக பெப்டிக் புண்கள் உருவாகிறது.
காய்ச்சல் அல்லது வலி உண்டாகும் போது அதிக அளவில் வலி நிவாரணிகளை (Pain killers) உட்கொள்வதினாலும் வயிற்றில் அமிலம் அதிக அளவில் உற்பத்திக்கு செய்யப்படுகிறது.
மிகவும் காரமான உணவை உட்கொள்வதினால் வயிற்றிலுள்ள அமிலத்தின் அளவு அதிகரிக்கிறது, இதனால் பெப்டிக் புண்கள் ஏற்படுகின்றன.
புகைபிடிப்பதினால் பெப்டிக் புண்கள் உருவாக்காது. எனினும், புகைப்பிடிப்பது இந்த நோயின் தீவிரத்தை அதிகரிக்கிறது.
வயிற்றில் ஏற்படும் பாக்டீரியா தொற்று அல்லது வயிற்றில் ஏற்படும் பிற நோய்த்தொற்றுகளாலும் வயிற்றுப் புண்கள் ஏற்படுகிறது.

பெப்டிக் அல்சரின் அறிகுறிகள் யாவை? (What are the symptoms of peptic ulcer in Tamil?)

பின்வருவன, பெப்டிக் அல்சரின் அறிகுறிகளாகும்.

அடிவயிற்றின் மேல்புறத்தில் அதிக வலி உண்டாகும்.
பொதுவாக, அல்சரினால் ஏற்படும் வலி சில நிமிடங்கள் முதல் சில மணி நேரம் வரை நீடிக்கிறது.
பெரும்பாலும், காலையிலும் இரவிலும் வலி அதிகமாக இருக்கிறது.
இரத்தப்போக்கு ஏற்படுவது வயிற்றுப் புண்களின் முக்கிய அறிகுறியாகக் கருதப்படுகிறது.

வயிற்றுப் புண்களின் பொதுவான அறிகுறிகள்:

வாந்தி
குமட்டல்
திடீரென உடல் எடை குறைவது.
பசியின்மை.

வயிற்றுப் புண்கள் கடுமையானதாக மாறும்போது ஏற்படும் அறிகுறிகள்:

மலத்தில் அடர் நிற இரத்தப்போக்கு உண்டாகும்.
கருப்பு நிற திரவம் வாந்தியுடன் வெளியேரும்.

நீங்கள் இத்தகைய பாதிப்புக்களை எதிர்கொள்கிறீர்கள் என்றால், உடனடியாக ஒரு பொது மருத்துவரைத் தொடர்பு கொள்ளுங்கள்.

பெப்டிக் அல்சருக்கான சிகிச்சைகள் என்ன? (What are the treatments for peptic ulcer in Tamil?)

பெப்டிக் புண்ணைக் கண்டறிய மருத்துவர்கள் முதலில் எக்ஸ்ரே அல்லது எண்டோஸ்கோபி போன்ற பரிசோதனைகளை மேற்கொள்கின்றனர்.
பின்னர், நோயாளியின் உடலில் ஹெலிகோபாக்டர் பைலோரி பாக்டீரியாவின் தாக்கம் உள்ளதா என்பதைக் கண்டறிய சில உடல் பரிசோதனைகளை செய்கின்றனர். நோயாளிக்கு ஹெலிகோபாக்டர் பைலோரி தொற்று இருப்பது உறுதி செய்யப்பட்டால், மருத்துவர்கள் வேறு சில பரிசோதனைகளை செய்ய பரிந்துரைக்கின்றனர்.
மலப் பரிசோதனை
இரத்தப் பரிசோதனை
யூரியா சுவாசப் சோதனை
பெப்டிக் புண்களுக்கு சிகிச்சையளிக்க, ஆரோக்கியமான உணவு பழக்கத்தை மேற்கொள்ள வேண்டும், மற்றும் புகைப்பிடித்தலைத் தவிர்க்க வேண்டும்.
ஹெலிகோபாக்டர் பைலோரி நோய்த்தொற்றைக் குறைக்க மருத்துவர்களால் சில மருந்துகள் பரிந்துரைக்கப்படுகின்றன. மருந்துகள் நிவாரணம் அளிக்கவில்லையெனில், வேறு சில சிகிச்சைகளை மேற்கொள்ளுமாறு மருத்துவர்கள் அறிவுறுத்துகின்றனர்.

பெப்டிக் அல்சரை எவ்வாறு தடுப்பது? (How to prevent peptic ulcer in Tamil?)

தேநீர், காபி, குளிர் பானம் மற்றும் குப்பை உணவுகள் (junk food) போன்றவற்றை குறைந்த அளவில் உட்கொள்ள வேண்டும்.
சாப்பிடுவதற்கும் தூங்குவதற்கும் இடையில் குறைந்தது இரண்டு மணிநேர நேர இடைவெளியை கடைப்பிடிக்க வேண்டும்.
நார்ச்சத்து நிறைந்த உணவுகளை உண்ணுங்கள். மேலும், மசாலா நிறைந்தப் பொருள்களை உட்கொள்வதைத் தவிர்க்கவும்.
தொலைக்காட்சியைப் பார்த்துக் கொண்டே உணவு சாப்பிடவதைத் தவிர்க்க வேண்டும்.
சாறு மற்றும் லஸ்ஸி போன்ற இனிப்பு திரவங்களை வேகமாக உட்கொள்ள கூடாது. இந்த திரவங்களை மெதுவாக குடிக்க வேண்டும் அப்போதுதான் உமிழ்நீர் இந்த பானங்களுடன் கலக்க இயலும்.
புகைப்பதைத் தவிர்க்க வேண்டும்.
மருத்துவரின் ஆலோசனையைப் பெற்ற பின்னரே வலி நிவாரணிகளை எடுத்துக் கொள்ள வேண்டும்.
தவறாமல் உடற்பயிற்சி செய்ய வேண்டும்.
மனதை எப்போதும் அமைதியாகவும், நிதானமாகவும் வைத்திருக்க முயற்சி செய்யுங்கள்.

பெப்டிக் புண்கள் அல்லது கொப்புளங்கள் பற்றிய கூடுதல் தகவல்களை நீங்கள் பெற விரும்பினால் உடனடியாக காஸ்ட்ரோஎன்டாலஜிஸ்ட் மருத்துவரைத் (Gastroenterologist) தொடர்பு கொள்ளுங்கள்.