கருப்பு ஏலக்காயின் நன்மைகள் மற்றும் பக்க விளைவுகள் | Benefits and side effects of black cardamom in Tamil

English हिन्दी Tamil

கருப்பு ஏலக்காய் என்பது, பலதரப்பட்ட மக்களாலும் உணவு தயாரிப்புகளில் பரவலாகப் பயன்படுத்தப்படும் ஒரு வகை மசாலா பொருளாகும். சிறிய மற்றும் பெரிய வகை ஏலக்காய்கள், நம்மில் பெரும்பாலனோருக்குத் தெரியாத பல்வேறு மருத்துவ குணங்களைக் கொண்டுள்ளன. பல ஆயுர்வேத வைத்தியங்களில் கருப்பு ஏலக்காய் பயன்படுத்தப்படுகிறது. கருப்பு ஏலக்காய் விதைகளில் இருந்து எடுக்கப்படும் எண்ணெய் உடல்நலம் தொடர்பான பிரச்சினைகளை குறைக்க பயனுள்ளதாக இருக்கிறது. கருப்பு ஏலக்காய் முடி மற்றும் சருமத்திற்கு நன்மை பயக்கிறது. இது, இரத்த அழுத்தத்தை பராமரிக்கிறது மற்றும் இதய நோய்களின் அபாயத்தை குறைக்கிறது. இன்றையக் கட்டுரையில் கருப்பு ஏலக்காய் பற்றியத் தகவல்களை விரிவாக அறிந்து கொள்வோம்.

• கருப்பு ஏலக்காய் என்றால் என்ன? (What is black cardamom in Tamil?)
• கருப்பு ஏலக்காயின் ஊட்டச்சத்து முக்கியத்துவம் என்ன? (What are the nutritional importance of black cardamom in Tamil?)
• கருப்பு ஏலக்காயின் நன்மைகள் என்ன? (What are the benefits of black cardamom in Tamil?)
• கருப்பு ஏலக்காயின் பக்க விளைவுகள் என்ன? (What are the side effects of black cardamom in Tamil?)

கருப்பு ஏலக்காய் என்றால் என்ன? (What is black cardamom in Tamil?)

கருப்பு ஏலக்காய் என்பது, உணவின் நறுமணத்தை அதிகரிக்க உதவும், ஒரு சிறந்த மசாலா பொருளாகும். இது பிற மசாலாப் பொருட்களிலிருந்து வேறுபட்டு தனித்துவமாக விளங்குகிறது. பெரிய ஏலக்காய், பண்டையக் காலத்தில் இருந்தே ஏராளமான உணவு தயாரிப்புகளில் உணவின் சுவையை மேம்படுத்தப் பயன்படுத்தப்படுகிறது. கருப்பு ஏலக்காய் அதன் மருத்துவ மதிப்புகளின் காரணமாக சிறந்து விளங்குகிறது. 

கருப்பு ஏலக்காயின் ஊட்டச்சத்து முக்கியத்துவம் என்ன? (What are the nutritional importance of black cardamom in Tamil?)

கருப்பு ஏலக்காயில் பல்வேறு ஊட்டச்சத்து கூறுகள் காணப்படுகின்றன. இது உடல்நலம் தொடர்பான பிரச்சினைகளுக்கு சிகிச்சையளிக்க உதவுகிறது. இதில் வைட்டமின் ஏ, வைட்டமின் சி, நியாசின், ரைபோஃப்ளேவின், தியாமின் மற்றும் பல்வேறு தாதுக்கள் நிறைந்துள்ளன. கருப்பு ஏலக்காயில் தாமிரம், மெக்னீசியம், சோடியம், பொட்டாசியம், கால்சியம் மற்றும் துத்தநாகம் ஆகியவையும் உள்ளன.

கருப்பு ஏலக்காயின் நன்மைகள் என்ன? (What are the benefits of black cardamom in Tamil?)

பின்வருவன, கருப்பு ஏலக்காயின் ஆரோக்கிய நன்மைகளாகும், அவை:  

• முடியை வளர்க்கிறது (Promotes hair growth): கருப்பு ஏலக்காய் முடிக்கு நன்மை பயக்கிறது. ஏலக்காய் எண்ணெயைத் தவறாமல் பயன்படுத்துவதால், தலையில் உள்ள பொடுகு பிரச்சினைகளையும் சரிசெய்கிறது. ஏலக்காய் எண்ணெயில் ஆன்ட்டி ஃப்பன்ங்கள் மற்றும் ஆன்ட்டி பாக்டீரியல் பண்புகள் நிறைந்துள்ளன. கருப்பு ஏலக்காயை இலவங்கப்பட்டை, கிராம்பு மற்றும் ஆரஞ்சு போன்றவற்றுடன் சேர்த்தும் பயன்படுத்தலாம். இது, கூந்தலுக்கு ஊட்டச்சத்தை வழங்குகிறது. (மேலும்  படிக்க- முடி உதிர்தல் பிரச்சினை)
• புற்றுநோயைத் தடுக்கிறது (Prevents cancer): கருப்பு ஏலக்காயில் ஆன்டிஆக்ஸிடன்ட்கள் உள்ளன, இவை உடல் ஆரோக்கியத்திற்கு தீங்கு விளைவிக்கும் ஃப்ரீ ரேடிக்கல்களை உடலில் இருந்து நீக்க உதவுகின்றன. இது, புற்றுநோயின் அச்சுறுத்தலைக் குறைக்கிறது. கருப்பு ஏலக்காய் உடல் ஆரோக்கியத்திற்கு நன்மை பயக்கிறது. மற்றும் இதனைக் குறைந்த அளவிலேயே உணவில் சேர்க்க வேண்டும். (மேலும் வாசிக்க- மார்பக புற்றுநோய் என்றால் என்ன)
• மனச்சோர்வுக்கு சிகிச்சையளிக்கிறது (Treats depression): மனச்சோர்வு பிரச்சினைக்கு சிகிச்சையளிப்பதில், கருப்பு ஏலக்காய் பயனுள்ளதாக கருதப்படுகிறது. ஏலக்காயில் உள்ள ஆன்டிஆக்ஸிடன்ட்கள் மற்றும் ஊட்டச்சத்துக் கூறுகள் மன அழுத்தத்தைக் குறைக்கின்றன. கருப்பு ஏலக்காயுடன் தேனைச் சேர்த்து உட்கொள்வது உடல் ஆரோக்கியத்திற்கு நன்மை பயக்கிறது மற்றும் மன அழுத்தத்தை குறைக்கிறது. (மேலும் வாசிக்க – மன அழுத்தத்தை குறைப்பதில் கயனின் மிளகின் நன்மைகள்)
• பற்களைப் பலப்படுத்துகிறது (Strengthen the teeth): கருப்பு ஏலக்காயில் கால்சியம் நிறைந்துள்ளது, இது பற்களை வலுப்படுத்துகிறது மற்றும் ஈறுகளில் உண்டாகும் நோய்த்தொற்றுகளைத் தடுக்கிறது. கருப்பு ஏலக்காயைத் தவறாமல் உட்கொள்வது பற்களுக்கு நன்மை பயக்கிறது . (பற்களின் பிழைகளை அகற்ற உதவும் வீட்டு வைத்தியங்களைப் பற்றி படிக்கவும்)
• ஆஸ்டியோபோரோசிஸைத் தடுக்கிறது (Prevents osteoporosis): கருப்பு ஏலக்காயில் கால்சியம் இருப்பதால், இது எலும்புகளை பலவீனமடைவதிலிருந்து தடுக்கிறது. உணவில் ஏலக்காயைத் தவறாமல் பயன்படுத்துவது ஆஸ்டியோபோரோசிஸைத் தடுக்கிறது. 

கருப்பு ஏலக்காயின் பக்க விளைவுகள் என்ன? (What are the side effects of black cardamom in Tamil?)

கருப்பு ஏலக்காயில் ஏராளமான ஆரோக்கிய நன்மைகள் உள்ளன. எனினும், இது சில சந்தர்ப்பங்களில் உடலுக்கு தீங்கு விளைவிக்கக்கூடும். கருப்பு ஏலக்காயின் சில பக்க விளைவுகள் கீழே பட்டியலிடப்பட்டுள்ளன, அவை: 

• கர்ப்பிணி பெண்கள் ஏலக்காயை மிகக் குறைந்த அளவிலேயே உட்கொள்ள வேண்டும். முதல் முறையாக கர்ப்பம் தரிக்கும்  பெண்கள் கருப்பு ஏலக்காயை உட்கொள்வது குறித்து மருத்துவரிடம் ஆலோசனை செய்ய வேண்டும். (மேலும் வாசிக்க- கர்ப்பிணிப் பெண்களில் சோர்வு ஏற்படுவதற்கான காரணங்கள்)
• இரைப்பை பிரச்சினைகள் உள்ளவர்கள் கருப்பு ஏலக்காயை உட்கொள்ளக்கூடாது.
• ஏலக்காய் உட்கொள்வதினால், வாயில் கொப்புளங்கள் ஏற்படக்கூடும். தினசரி, ஏதேனும் மருந்துகளை உட்கொள்பவர்கள் கருப்பு ஏலக்காயை உட்கொள்வது குறித்து மருத்துவரிடம் ஆலோசனை செய்ய வேண்டும். 

கருப்பு ஏலக்காயை உட்கொள்வதினால் உடல்நலம் தொடர்பான ஏதேனும் சிக்கலை நீங்கள் சந்திக்கிறீர்கள் எனில், உடனடியாக ஒரு பொது மருத்துவரைத் (General Physician) தொடர்பு கொள்ளுங்கள்.

இந்தக் கட்டுரையின் மூலம் உங்களுக்கு தகவல்களை வழங்குவது மட்டுமே எங்கள் நோக்கமாகும். எந்தவொரு மருந்தையும், சிகிச்சையையும், அறுவை சிகிச்சையையும்  நாங்கள் பரிந்துரைக்கவில்லை. ஒரு மருத்துவர் மட்டுமே உங்களுக்கு நல்ல ஆலோசனையை வழங்க முடியும். ஏனெனில், அவர்களை விட வேறு யாரும் சிறந்தவர்கள் அல்ல.

---

டெல்லியில் சிறந்த பொது மருத்துவர்

மும்பையில் சிறந்த பொது மருத்துவர்

பெங்களூரில் சிறந்த பொது மருத்துவர்

சென்னையில் சிறந்த பொது மருத்துவர்